နေပြည်တော် ၊ ဇန်နဝါရီ ၁၇ ရက်(ဆင်ဟွာ)
တရုတ်နိုင်ငံသမ္မတရှီကျင့်ဖိန်သည် နိုင်ငံတော်အလည်အပတ်ခရီးစဉ်အဖြစ် ယနေ့ ဇန်နဝါရီ ၁၇ ရက် မွန်းလွဲပိုင်းတွင် မြန်မာနိုင်ငံ နေပြည်တော်သို့ ရောက်ရှိလာခဲ့ကြောင်းသိရသည်။
၎င်းခရီးစဉ်အတွင်း သမ္မတရှီသည် မြန်မာနိုင်ငံသမ္မတဦးဝင်းမြင့်မှ ဦးဆောင်ကျင်းပသည့် နိုင်ငံတော်အခမ်းအနားများကို အစဉ်လိုက်တက်ရောက်သွားမည်ဖြစ်ကြောင်း ၊ မြန်မာနိုင်ငံ နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် တို့နှင့်လည်း တွေ့ဆုံဆွေးနွေးသွားမည်ဖြစ်ကြောင်း နှင့် မြန်မာနိုင်ငံလွှတ်တော်အကြီးအကဲများ ၊ နိုင်ငံရေးပါတီခေါင်းဆောင်များ နှင့် အမြင်ချင်းဖလှယ်သွားမည်ဖြစ်ကြောင်း သိရသည်။
တရုတ်နိုင်ငံသမ္မတရှီကျင့်ဖိန် မြန်မာနိုင်ငံ နေပြည်တော်သို့ရောက်ရှိလာစဉ် (ဓာတ်ပုံ- MOI)
တရုတ်နိုင်ငံသမ္မတရှီကျင့်ဖိန် မြန်မာနိုင်ငံ နေပြည်တော်သို့ရောက်ရှိလာစဉ် (ဓာတ်ပုံ- MOI)
တရုတ်နိုင်ငံသမ္မတရှီကျင့်ဖိန် မြန်မာနိုင်ငံ နေပြည်တော်သို့ရောက်ရှိလာစဉ် (ဓာတ်ပုံ- MOI)
သမ္မတရှီသည် တရုတ်-မြန်မာသံတမန်ဆက်ဆံရေးထူထောင်ခြင်းနှစ် ၇၀ ပြည့် အထိမ်းအမှတ် အခမ်းအနားများ နှင့် တရုတ်-မြန်မာ ယဉ်ကျေးမှုခရီးသွားနှစ် ဖွင့်ပွဲအခမ်းအနားသို့ မြန်မာခေါင်းဆောင်များနှင့်အတူ တက်ရောက်သွားမည်ဖြစ်သည်။ယခုခရီးစဉ်သည် ၂၀၂၀ ပြည့်နှစ်အတွက် သမ္မတ ရှီ၏ ပထမဆုံး ပြည်ပခရီးစဉ်ဖြစ်ပြီး ၁၉ နှစ်ကြာ ကာလပြီးနောက် တရုတ်နိုင်ငံ သမ္မတ တစ်ဦးအနေဖြင့် မြန်မာနိုင်ငံသို့ ပထမဆုံးသွားရောက်လည်ပတ်သော ခရီးစဉ်လည်းဖြစ်ကြောင်း သိရသည်။