ယခုနှစ် ပထမ ၃ လအတွင်း တရုတ်ပြည်၏ နိုင်ငံခြားကုန်သွယ်မှုသည် တည်ငြိမ် ကောင်းမွန်စွာ လည်ပတ်ခဲ့ကြောင်း၊ သွင်းကုန် အကောက်ခွန်ပေါ်လစီများကို ထိန်းညှိပြီး သွင်းကုန်ပမာဏကို တိုးချဲ့မည်ဖြစ်ကြောင်း တရုတ်ကုန်သွယ်ရေး ဝန်ကြီးဌာနမှ ပြောရေး ဆိုခွင့်ရှိသူ ကောဖုန်းက ယမန်နေ့ ၈ ရက်နေ့က ကျင်းပခဲ့သော ပုံမှန် သတင်းစာ ရှင်းလင်းပွဲ၌ ပြောကြားခဲ့သည်ဟု China Media Groupမှ သတင်းအရ သိရပါသည်။
ကောဖုန်းက တရုတ်ကုန်သွယ်ရေးဝန်ကြီးဌာနသည် နိုင်ငံခြားကုန်သွယ်မှုလည်ပတ်မှု အခြေအနေကို အလေးပြုပြီး လုပ်ငန်းကုမ္ပဏီများအား ဆက်လက် ထောက်ပံ့အားပေးကာ သွင်းကုန်ပို့ကုန် ဖွံ့ဖြိုးမှုကို အားသစ်လောင်ပေး၍ နိုင်ငံခြားကုန်သွယ်ရေးလုပ်ငန်း တည်ငြိမ်ပြီး အရည်အသွေး မြင့်မားစွာ တိုးတက်ရေးကို တွန်းအားပေးမည်ဖြစ်ကြောင်း ဖော်ပြပါသည်။